في يوم من أيام شهر نوفمبر سنة 1996 مواطن شاب اسمه فهيم جرجس – مدرس بأحد المدارس الثانوية الصناعية بالاسكندرية تفاجئ بإن جايله جواب استدعاء لمكتب رئيس نيابة أمن الدولة العليا . وفعلا في الميعاد المحدد وصل السيد فهيم لمكتب رئيس النيابة و أول مابدأ التحقيق لقي رئيس النيابة مطلع صورة من درج مكتبه وبيسأله – انت تعرف الشخص ده ؟ رد عليه وقاله – ايوه يافندم اعرفه كويس – ده زميلي وعشرة عمر تقريبا . قاله طيب يااستاذ فهيم ماتفتكرش انه جابلك أي هدايا من اي نوع خلال الفترة اللي فاتت ؟ رد عليه وقاله – ايوه حصل فعلا .. من فترة كده كان لسه راجع من السفر ولاقيته في نفس يوم رجوعه عدي عليا في البيت وسلم عليا و اداني الهدية . فسأله رئيس النيابة وقاله – طيب يااستاذ فهيم انت مش ملاحظ حاجة غريبة في كلامك ؟؟ ومن هنا نبتدي الحكاية ..
