اليوم ده كان مقرر يبقي في حفل زفاف مابين شاب وفتاة من أهل المنطقة وعشان الظروف اللي كانت بتمر بيها البلد فكانت حفلات الزفاف بتقام و زي مابنقول بالبلدي كده ( حفل صغير أو فرح عالضيق ) . وطبعا كان ممنوع التجمعات والسيارات خوفا من القصف . فالعريس و بعد ما الحفل خلص أخد عروسته أو زوجته في سيارته وراحوا عالمكان او البيت اللي هيسكنوا فيه . وهما ماشيين وأول ماوصلوا عند جسر اسمه جسر الفلوجة … فجأة ظهرت قدامهم سيارة عسكرية وكان بداخلها اربع ضباط أمريكان ما كان منهم غير انهم استوقفوا سيارة العروسين بالإجبار والإكراه وتحت تهديد السلاح وبعدها اجبروا العروس علي النزول وضربوا العريس لحد مافقد الوعي . بعدها ركبوا سيارتهم وهربوا في منتهي السرعة … ومن هنا نبتدي الحكاية.
