بحزاني نت
06-04-2005, 22:53
أرض السواد
كامل الركابي
شجر صفصاف عطشان للماي
شجر صفصاف عطشان للگمره
حياتي وياك
ياناسي ليالي الملح والعشره
گمر ،
صوره ،
وسراب الحُب
وبدل من ماي
تظل روحي جمر ع الرمل
منكسره .
ومن دمها ودمعها اسنين
نبت عشب الموده البارد ابروحك
ماغفَت ابظله وهِجر ظهريات
ايا حسره
نخيل العمر من تالي
طلع من گلبه مو جمّار ياروحي
طلع جمره !
.................
چنت طيِب
نبگ سدره
مثل نكهة الچاي أول صبح
ومهيَل ابعطره
أول رطبه من نخله
نگرها البلبل
وزق بيها من نفسه
وغدت خمره
سكر منها وطرب واشتعلت البصره
طرب
بيت الطرب ما خرب ياروحي
منهو الخرَب البصره ؟
....................
چنت صافي
مثل گطره
مثل فكره
نساها الشاعر
وهيَ نست تحچيله
وتذكره
عن ارض السواد اليوم
ماظلَت ارض بيها
ظل بس السواد امغيِم
وياهو اليزخ زخات ويمطره ؟
.....................
حبيبي انت
ابملامح وجهي
طِل واقره
نشف فيض المحبه
وخنيَب ابنهره
واديتك انت ياروحي
اديتك حتى من تنشف
مزهره
وع الورد خضره
مربعه
وع الورد خضره !
كامل الركابي
شجر صفصاف عطشان للماي
شجر صفصاف عطشان للگمره
حياتي وياك
ياناسي ليالي الملح والعشره
گمر ،
صوره ،
وسراب الحُب
وبدل من ماي
تظل روحي جمر ع الرمل
منكسره .
ومن دمها ودمعها اسنين
نبت عشب الموده البارد ابروحك
ماغفَت ابظله وهِجر ظهريات
ايا حسره
نخيل العمر من تالي
طلع من گلبه مو جمّار ياروحي
طلع جمره !
.................
چنت طيِب
نبگ سدره
مثل نكهة الچاي أول صبح
ومهيَل ابعطره
أول رطبه من نخله
نگرها البلبل
وزق بيها من نفسه
وغدت خمره
سكر منها وطرب واشتعلت البصره
طرب
بيت الطرب ما خرب ياروحي
منهو الخرَب البصره ؟
....................
چنت صافي
مثل گطره
مثل فكره
نساها الشاعر
وهيَ نست تحچيله
وتذكره
عن ارض السواد اليوم
ماظلَت ارض بيها
ظل بس السواد امغيِم
وياهو اليزخ زخات ويمطره ؟
.....................
حبيبي انت
ابملامح وجهي
طِل واقره
نشف فيض المحبه
وخنيَب ابنهره
واديتك انت ياروحي
اديتك حتى من تنشف
مزهره
وع الورد خضره
مربعه
وع الورد خضره !