bahzani2
04-05-2008, 00:42
كنت اشوف الفرح بيك
وعلكت بيدك مفاتيح المحبه , وشوكنه
, ولعب الطفولة وقلت اصبر!
قتلك الوادم شبع بيها حزنا .. ولاتطولها علينه .. وقتلي ابشر !!
وخيطت روحي تصاوير بدشاديش اليتامى
وبشرتهم.....
واعدتهم......
هسه يوصل كنطرتنا... هسه يعبر
هسه عيد الله يجينه
هسه دنيانا ترد حلوه وحنينه
هسه ..هسه.. يعبر
ونشفت عيون اليتامى ... والشوارع أياست
والمدن ليل ومفارز وانت ماكو
لاوصية الاجت منك... لارساله وبيد مخبر
ليش طشرت بشوارعنا ملايين الاماني
وواعدتنا بغيم يمطر؟
ليش!؟
وانت تدري بالقلب لو زادت جروحه من اليحبه
يعوف صبره وحتى باليهواه يكفر!
___________
عمار الوائلي
وعلكت بيدك مفاتيح المحبه , وشوكنه
, ولعب الطفولة وقلت اصبر!
قتلك الوادم شبع بيها حزنا .. ولاتطولها علينه .. وقتلي ابشر !!
وخيطت روحي تصاوير بدشاديش اليتامى
وبشرتهم.....
واعدتهم......
هسه يوصل كنطرتنا... هسه يعبر
هسه عيد الله يجينه
هسه دنيانا ترد حلوه وحنينه
هسه ..هسه.. يعبر
ونشفت عيون اليتامى ... والشوارع أياست
والمدن ليل ومفارز وانت ماكو
لاوصية الاجت منك... لارساله وبيد مخبر
ليش طشرت بشوارعنا ملايين الاماني
وواعدتنا بغيم يمطر؟
ليش!؟
وانت تدري بالقلب لو زادت جروحه من اليحبه
يعوف صبره وحتى باليهواه يكفر!
___________
عمار الوائلي