بحزاني نت
13-05-2005, 11:05
سورات الدم والنار
كامل الركابي
*سورة ليل
سورة غيم
سورة دم
وسورة ريح
قلعه اتقاوم
قلعه اتصيح:
مادام اشيوعي يناطرني
مايوصل ﮔلبي التجريح
قلعه
ابروح الفارس تشهگ
نار اتسيح
قلعه
ابكل ﭽﻑ
من اجفوف الانصار
اتعاند باﻟﻤﻟﮔه
اجفوف الريح
قلعه اتساوم
قلعه اتطيح
اتظل مراني*
نجمه اتحنِّي الليل ابطلقه
اتوزَّع ع العالم
تصريح :ماننذل وماننهار
ﭽف منحوت اﻟﭽف ابحربه
وعين اتوِّج ابعين النار
لوكل الظلمه اتحاصرنه
ماتطفي اشموس الثوار !
*سورة ليل
ودم طوفان
وفارس* عاشگ
ضحكات الورده ابنيسان
تلهب مشتعلات اﭽفوفه
وﺒﮔليبه
اشتلعب غزلان
ﭽف ﮔمره ابأول طلعتها
وﭽف ..طلعه ابوحشة بستان
تضحك للمجروح اعيونه
وبالتوديع اتسيل احزان
ثوريّه
وكل دمعه اهلال*
ايدگ منشوراعله الحيطان
روح الثوره
ابدم الثاير
بركان ايفجّر بركان !
*سورة غيم
وفي دخان
وبارود إتشِّم ابكل صخره
اتشِّب نيران
ومضت غفله
وصحَّت شمس الغبشه ابوجهه
وطاح الفارس
ﺒﮔليبه اتنام الغزلان !
يافارس
من زغر ايامك
صلَّت لترابك فرسان
ذكراك اشموع اﺒﺴﭽتنه
ومو من شيمتنه النسيان
الروح الحلوه
الطيبه الغنوه الترفه العشره
الوجه الضاحك بالحرمان
يحبيَّب
شيرضِّي الدمعه ؟
الدمعه اتفيض من الوجدان
لاكن دمعتنه ابكل ظلمه
اهلال* ايزف انجوم الثوره
وﺴﭽينه ابخصر السلطان
اتحِّز لمن تخفگ رايتنه
اترف فرحه
ابعالي البيبان !
*سورة دم
وسورة نار
مابين العاشگ واﻟﮔمره
الليل ..اسرار
مابين الثاير والطلقه
الدم..ازهار
مابين اتعيش ابحريِّه
وتتنفس نسمات احرار
وبين اتعيش ابذلّه ويترس
وجهك
ليل الذِّل والعار
دربين ابكل هذا العالم
للمشه
ولازم تختار !
*سورة ريح
اتمر ع السنبل
سورة ريح
مكسور ابمغزلها الحيل
ابسنبل
ماطخ هامه ونوّر
كل حبّه ابضي
جمره اتصيح:
ولو..
ثلموا صخره من اﻟﮔﺎع
احجار الثلمه ايصير اقلاع
وكل قلعه اتنبّع مرّاني
ومرّاني اتظل
نجمه اتحنّي الليل ابطلقه
اتوزّع ع العالم تصريح:
ماننذل
وماننهار
ﭽف منحوت اﻟﭽف ابحربه
وعين اتوِّج ابعين النار
لو كل الظلمه اتهاجمنه
ماتطفي اشموس الانصار !
.....................................
*القلعة :هي قلعة كانيكا في بهدينان احتلتها قوات السلطة بعد مقاومة الانصار البطولية
*فارس :هو الشهيد فارس جرجيس (جنان) من اهالي القوش استشهد في كانون الثاني
1987 دفاعا عن القلعة
*اهلال هو القمر قبل اكتماله واسم حركي لشهيد شيوعي من الانصار
*مراني..قرية الانصار في كردستان..تغنى بجمالها وناسها الصديق القاص(ابو الفوز)
كامل الركابي
*سورة ليل
سورة غيم
سورة دم
وسورة ريح
قلعه اتقاوم
قلعه اتصيح:
مادام اشيوعي يناطرني
مايوصل ﮔلبي التجريح
قلعه
ابروح الفارس تشهگ
نار اتسيح
قلعه
ابكل ﭽﻑ
من اجفوف الانصار
اتعاند باﻟﻤﻟﮔه
اجفوف الريح
قلعه اتساوم
قلعه اتطيح
اتظل مراني*
نجمه اتحنِّي الليل ابطلقه
اتوزَّع ع العالم
تصريح :ماننذل وماننهار
ﭽف منحوت اﻟﭽف ابحربه
وعين اتوِّج ابعين النار
لوكل الظلمه اتحاصرنه
ماتطفي اشموس الثوار !
*سورة ليل
ودم طوفان
وفارس* عاشگ
ضحكات الورده ابنيسان
تلهب مشتعلات اﭽفوفه
وﺒﮔليبه
اشتلعب غزلان
ﭽف ﮔمره ابأول طلعتها
وﭽف ..طلعه ابوحشة بستان
تضحك للمجروح اعيونه
وبالتوديع اتسيل احزان
ثوريّه
وكل دمعه اهلال*
ايدگ منشوراعله الحيطان
روح الثوره
ابدم الثاير
بركان ايفجّر بركان !
*سورة غيم
وفي دخان
وبارود إتشِّم ابكل صخره
اتشِّب نيران
ومضت غفله
وصحَّت شمس الغبشه ابوجهه
وطاح الفارس
ﺒﮔليبه اتنام الغزلان !
يافارس
من زغر ايامك
صلَّت لترابك فرسان
ذكراك اشموع اﺒﺴﭽتنه
ومو من شيمتنه النسيان
الروح الحلوه
الطيبه الغنوه الترفه العشره
الوجه الضاحك بالحرمان
يحبيَّب
شيرضِّي الدمعه ؟
الدمعه اتفيض من الوجدان
لاكن دمعتنه ابكل ظلمه
اهلال* ايزف انجوم الثوره
وﺴﭽينه ابخصر السلطان
اتحِّز لمن تخفگ رايتنه
اترف فرحه
ابعالي البيبان !
*سورة دم
وسورة نار
مابين العاشگ واﻟﮔمره
الليل ..اسرار
مابين الثاير والطلقه
الدم..ازهار
مابين اتعيش ابحريِّه
وتتنفس نسمات احرار
وبين اتعيش ابذلّه ويترس
وجهك
ليل الذِّل والعار
دربين ابكل هذا العالم
للمشه
ولازم تختار !
*سورة ريح
اتمر ع السنبل
سورة ريح
مكسور ابمغزلها الحيل
ابسنبل
ماطخ هامه ونوّر
كل حبّه ابضي
جمره اتصيح:
ولو..
ثلموا صخره من اﻟﮔﺎع
احجار الثلمه ايصير اقلاع
وكل قلعه اتنبّع مرّاني
ومرّاني اتظل
نجمه اتحنّي الليل ابطلقه
اتوزّع ع العالم تصريح:
ماننذل
وماننهار
ﭽف منحوت اﻟﭽف ابحربه
وعين اتوِّج ابعين النار
لو كل الظلمه اتهاجمنه
ماتطفي اشموس الانصار !
.....................................
*القلعة :هي قلعة كانيكا في بهدينان احتلتها قوات السلطة بعد مقاومة الانصار البطولية
*فارس :هو الشهيد فارس جرجيس (جنان) من اهالي القوش استشهد في كانون الثاني
1987 دفاعا عن القلعة
*اهلال هو القمر قبل اكتماله واسم حركي لشهيد شيوعي من الانصار
*مراني..قرية الانصار في كردستان..تغنى بجمالها وناسها الصديق القاص(ابو الفوز)