منتدى بحزاني للحوار - ألصندوك الاسود \ قصيده

رحيم الغالبي

01-07-2006, 20:12

صندوك أسود..ما افتحك
شعر : رحيم الغالبي
يغزل بالهوه ... يسوي طيارات
يريديعود, فوك أسطوح أهلي
شكل شرير....
شبح ... يمنع حلم شفاف
وأيكصر ألجناح ألبعصافير
طير ...
طير , يالفكرك , عتيكه أثيابه
و أتصوره حرير !!!!
طير ..
تغزل بالهوه , وأتدك عله أشفاف الطفوله
ألناي ...
و ترسمه بسامير !!
و حدود ألوطن
حطن شرايط حمر
... بكصايب الحلوات ,
يحمن ... كل طفوله ولونها الزاهي
ويطردنك ....
زغير
............
,,,,,,,,,,,,
بيدي اكض كلها مفاتيحك
و أعرفك
كملت حسباتي .. و أصفن
تصعد بروحي عصافير
ألصبح
مدري ليش ؟ بكلبي أشيلك
وآنه أعرفنك جرح !!!
لا سنه .. وآسف تجيني
روح خليني بحنيني
سافرت صفنات ....
ياكسر بجمع
تعتك أثيابي , واكلك ما اذبك !!
حيل حط روحي حمامه
أبين سطحي و بين سطحك
انت مثل الصندوك الاسود
......... و ما افتحك
فرفحت روحي تبيح اسرار ماشايلها عقلي
ومنهدها ...
ردت انصحك , ميته يالبيدك حمامه ..
.. اشلون يالمها الذبح ؟!!
انت ابد ما تنصح
يل ما تصح
1 \ تموز 2006 \ الشطره