كتابه بالخط ألاحمر \رحيم ألغالبي

[رحيم الغالبي]

كتابه..بالخط ألاحمر

شعر:رحيم ألغالبي
==========
= 1 =
ألبوق...
و أبنادم , سوه
/يموتون لو ماكو :هوه !!!!

= 2 =
هلكد ..حباب انته بروحي
... حباب اتظل
حتى اغلاطك
تانيت , وممليه أمحاطك
حسبالي , أتورث ..بالدنيه
.... مدريت أمبلل شخاطك..!!!
= 3 =
مسحت , بعيني ألحلم..
من مرت أسنينك سريعه ,
أتكول طيره ..!!
يبني بيت..
و يسلب بحيطان غيره !!
= 4 =
صرت حارس..
عنده..
حارس
ولمن جاع : أكل عيني..!!
= 5 =
حتى لو ....
ردت
آنه
أبوسك
... أستعار : أشفاف غيري
= 6 =
جويه..
جويه
..أتريد أصيرن لك :ثلج..!!!

= 7 =
هوى ... يابس
وجه ..يابس
فكر ..يابس
لعبت أمحيبس أ وياه أشو ..
بثنين أديه ألكي محابس...!!

******************

[كفاح محمود]

المبدع رحيم الغالبي

اليمته نبكه نتحمه اعله الثلج
واحنه من جانت محبتنه جهنم مادفينه

مع تحياتي لك عزيزي

[خليل مزهرالغالبي]

كفاح .... أسم على مسمى
الاستاذ الرائع كفاح محمود , أحلم ان اسمع صوتك ورأيك ايها المبدع الاصيل
شكرا