ألى :المبدع \خلدون جاويد

[رحيم الغالبي]

أعلانات[COLOR=Red]أعلانات....[/COأعلانات
***** شعر : رحيم ألغالبي 1974
( ألى 40 عام من النظال العظيم ... ألى فهد و رفاقه )
أعلان رقم = 1 =
أبيا عذر معذور أذب وجهي..
و اتوب
أعله دمك ورد ألتاريخ ,
. . . يلكه بكل صريفه ذنوب
........
أ نا أدريبك عراقي . . .
وبيك ريحه من الجنوب !!
من بيوت الطين
و البردي , وفلحنه
جنت انت الشايل اسرار الفقير , و المدينه ....
وكل عذاب , ازهارنه
و احرارنه
و اهوارنه . . . .

أعلان = 2 =

علمتني بيوم حبك غرباني ,
مرت الريح اعله بيباني ..
مواسم للمطر
شرعت شباج عيني ,
ألشوف وجهك
لنك انت اللوم
و الفي...
و السهر . ..
رد , عمرنه
. . . رد عمرنه
ومن جديد . . اكليبك الحباب
لعراقي كبر

أعلان = 3 =
يألعراقي جانت اسنينك زلك ..
. . . و دروبي طين
و جانت الردات. ..
ا لردات
تذبح كل حنين....
يألعراقي......
ألنخله . . بس ييبس سعفها ,
.... كلهم أيكولون : ماتت ..!!
ما دروا يبقه عدل بيها ألجنين
مادروا:
يبقى
عدل
بيها
ألجنين
!!!!
LOR]