منتدى بحزاني للحوار - مدينة..مشعل ألشطره \ مهداة الى باسم فيصل الشطري

رحيم الغالبي

08-09-2006, 20:59

مدينة .. مشعل ألشطره

رحيم الغالبي / الشطرة

raheemalghalbi@yahoo.com

أبجي , ألريح ..مهزومه ألمدينه

وبيها حلم ألناس

و (ألغراف ) مايه أيمرني ..

كل ليله ,

و سيع ألحلم , كل ليله

و لون مريتي ..أفرح عام ,

... بأللحظه

شفت حتى ألضوه... بدل ألوانه

........ و ضاع فوك ألجام ..!!

بألغربه... ردت مره مدينه ..أهناك ,

بيها ألباب يعرفني...!!!!

ردت .. ليل أعرف أحلم بيه....!!!

- ما أعرف ؟!! –

- **

- ***

- ****

أمتيهه ..ألروح

دليها

حديقه , من ألمطر...

حن ألشجر ليها

حزن

كل

بيت

....أحس روحي ,

و طفن ضوياتها ألبيها ..!!

أحس ( ألشطره ) من وجهك....

أحس لليوم , مشعلها...

.... و جسرها

..... وكل لياليها

و أحس لعب ألطفوله....

.. أبيوتها ألحلوه

أ ألعتيكه..

و ألشناشيل .. ألحزينه ,

... ألساكته .. أشبيها ؟؟؟

خضره.. ألروح , دليها