تـرامب … ابخـتـك : ميسون نعيم الرومي  

ادخيلك عمو ترامب ابختك
خلصنه اواوفي ابوعدك
من بغداد المنهوبه اكتبلك
من دجله المذبوح الضايع
من كل بيت او كل …
حاره او شارع
من كل الناس الطيبه
والهاجر شرد ابعمره
واطفال السابت واتجدي
والنخل العطشان او يابس
والطفله الزوجوهه …
او شاخت
من شبان المسجونه انباعت
والريحه العفنه الفاحت
من كل ام مفجوعه اوتلعي
والنار الحدر الضلع…
اوتجوي
من حمرابي الداسوْ قانونه
من سومر آشور او بابل
والدين المسخوه ابعرفه
واللحيه الطالت …
والسبحه
والعلم الكتلوه ابطلقه
والجهل الخيم واتجذر
والجاره الباكتنه او تأمر
ننخاك او كلنه ابختك
ننخاك او انت او ربك
——————————
ســــــــــــــــــــــــــــتوكهولم
22 / كانون الثاني / 2025