بمجرد ما دخل البيت وشاف زوجته واولاده وأحفاده اللى كانوا مستنيينه على الغدا.. لأنه مكنش شافهم طول أيام انعقاد مؤتمر القمة.. كان مقيم فى فندق الهيلتون علشان يبقى قريب من مقر انعقاد الجلسات.. فكلهم مستنيينه على الغداء.. لكنه مقدرش يتغدى معاهم.. وبدل ما يطلع أوضة نومه اللى فى الدور التانى على السلم.. طلع فى الأسانسير.. فى الفترة الأخيرة من حياته.. ركبوله اسانسير فى بيته يطلعه وينزله من الدور التانى.. اللى هما يدوب كام خطوة ع السلم.. ليه ركبوله اسانسير؟.. هنعرف كمان شوية.. وبمجرد ما دخل اوضته.. طلب ان يجيله الدكتور الصاوى حبيب اللى هو الدكتور المرافق.. واللى بمجرد ما دخل عليه.. حس ان الموضوع مش مجرد ارهاق.. ده واضح ان عضلة القلب فيها مشكلة.. وبرده لأنه رئيس جمهورية فكانت غرفة من غرف البيت مجهزة بكل الأجهزة الطبية اللازمة لانقاذ الرئيس فى حالة الطوارئ.. فبسرعة الدكتور الصاوى ركب الأجهزة واللى من بينها جهاز رسم القلب وبدأ يشوف شغله.. من المصادر التقرير الطبي لوفاة الرئيس جمال عبد الناصر شهادة الدكتور الصاوى حبيب طبيب الرئيس جمال عبد الناصر شهادة الدكتور منصور فايز طبيب الرئيس جمال عبد الناصر كتاب أسرار موت عبد الناصر للكاتب الصحفى محمد هلال شهادة الكتاب الصحفى محمد حسنين هيكل كتاب عقود من الخيبات للكاتب العربى حمدان حمدان.
وثائق سرية تكشف تورط السعودية فى اغتيال الرئيس جمال عبدالناصر
RELATED ARTICLES