مظلومين الدنيه اترك بينه
كل يوم امصيبه اوطرگاعه
تفرج فد يوم او نخلص
ضاع الفرج او چا وينه ؟
منهوبين او كلهه اتمرعد
دمعتنه اعله الخد او ننطر
نكسه اتروح او گلنه خلصت
شو جرت وياهه العينه
***
متعوبين اونركض نركض
دمعتنه اعله الخد اوتجري
خبزتنه اعله الگد او نلهط
بالروح الجرح اويدي
***
مسبيين احروب اهوايه
شبان انطنحت بيهه
آلوف الآلوف انبادت
بالشارع اطفال اوسابت
***
منسيين او محد النه
توصل يمنه اوتعبرنه
بالوطن الخير اهوايه
يتفرهد واحنه اشعدنه
***
مهزومين اونرضه ابكلشي
نسكت نتباوع بالعين
حكام اتصگع بينه
راحت واتعدت السنين
***
او على هالرنه والمنوال
راحت اجيال او اجيال
ليوين اونتحمل چمدوب
يمته اوتتحسن الاحوال
يمته ؟؟؟
……………………………..
5 / آب / 2025
ستوكهولم
