سوپاسناما بەهیدارییێ…
ب ناڤێ بنەمالا خودێ ژێ ڕازی “سلیم شمو حاجی” رکاڤایی رێز و سوپاسیێن خۆ ئاراستەی هەموو وان کەس و لایەنان دکەین یێن کو بەشداری د تازیا بابێ مەدا کرین و خەمێن مە سڤککرین ل کوردستانێ و دەرڤەی وەلاتی، و لسەرێ هەموویان بارەگایێ سەرۆک بارزانی، و نڤیسنگەها سەرۆکێ حکومەتا هەرێما کوردستانێ و دام و دەزگەهێن پارتی و هەمو لایەنێن حزبی و سیاسی و حکومی و لەشکەری و ری سپی و ماقولێن بسلمان و مەسیحی و ئیزدی و عەرب وکەسایەتیێن ئەکادمی و جڤاکی و رەوشەنبیری ،هێژایان خەلکێ مە یێ خۆشتڤی دۆست وهەڤالێن مە یێن ب بەها ل کوردستانێ ودەرڤەی وەلاتی ، بروسکەیێن وەیێن بەهیداریێ و بەدشدارییا وەیێن قەدرگران ب شێوازەکی گەلەک بەرفره و ب رێکێن تەلەفون و ئەکاونتێن سوشیال میدیای د تازییا بابێ مەدا (سەلیم شەمۆ حاجی) کو ل سپێدەیا رۆژا ۳/١٢/٢٠٢٥ مالئاڤایێ ل ڤێ دنیایێ کری یە، نیشانا وەفاداری و ڤیانا وەیێن ب رۆمەتە بۆ دۆستینیا وە دگەل بابێ مە و بنەمالا خودێ ژێ ڕازی و دان پێدان ورێزگرتنا وەیێن هێژایە بۆ کەد وخەباتا بابێ مە د ڕێیا کوردینی و کورد پەروەریێ و رێبازا رزگاریخوازیا کوردستانێ دا، ورێزگرتنە بۆ رۆلێ رەحمەتی یێ جڤاکی یێ بەرچاڤ د ناڤا جڤاکا ئێزدی دا وب تایبەتی جڤاکا کوردی ل دەڤەرێ بگشتی وکۆمەلگەها شاریا ب تایبەت . بەشداری و بروسکەیێن وەیێن هێژا خەم وکۆڤانێن مە سڤککر وجهێ سەرفەرازیێنە بۆ مالباتا رەحمەتی ، وهاندان وپشتەڤانییە کو مالباتا شەمۆ ل سەر رێبازا رەحمەتی ژ پێخەمەت جڤاک و رێبازا کوردینیێ بەردەوام بن. سوپاس بۆ وە هێژایان خۆدێ هەر خۆشییا بدەت و وەلاتێ مە کوردستان هەر ئاڤادان بت.
ئەو ل رێ
ئەم ل پێ
ئەم هەموو دێ زڤرین بۆ خودێ
