ليفهم العقلاء.. ان قضيتنا ليست استبدال هذا الحمار بذاك البغل،، بل ازالة طولة البهائم نهائيا، وإيقاف تدوير الحيوانات الغير اليفه من المناصب: أيها الساسه الفاسدون،، من اني مواطن ،، اسمع بشخص انطه رشوه لعشرين عضو ،وسووه محافظ،،شنو راح يكون موقفي،، من اسمع،، صحة ميسان تشتري الف ثلاجة،،بسعر 60 مليون للثلاجة الوحدة شنو راح يكون موقفي،، ومن اسمع وزير كان قبل كم سنة حافي،،وهسة عندي عشرين فيلا بسعفة نخيل مارينا دبي،،شراح يكون موقفي،، ومن اسمع ثروة قائد بالشرطة الاتحادية اتجاوزت 39 مليون دولار شنو راح يكون موقفي،، ومن اسمع وزير مشتري 3 الف سيارة متسوبيشي وخامطلة 120 مليون دولار ومحد حاسبه ،،شنو موقفي،، ومن اسمع منصب مدير عام بوزارة العدل ينباع ب 3 مليون دولار شنو موقفي،، ومن اسمع سياسيين باعو قضية ميناء مبارك للكويت بكذا مليون دولار،،وخلو العراق بلا منفذ بحري شنو راح يكون موقفي،، ومن اسمع البرزاني يبيع 450 الف برميل نفط يوميا وما ينطي فلوس للدولة و بعدين يريد حصته من نفط الجنوب و من الميزانية المركزية ،شنو راح يكون موقفي،، ومن اسمع اقليم كردستان ياخذ 23 % واستحقاقهم الحقيقي12% من الميزانية شنو راح يكون موقفي،، ومن اسمع المنافذ الحدودية العشرين،،كل منفذ مسيطر عليه حزب شنو راح يكون موقفي ،، ومن اسمع المواني بالبصرة ،بيد الأحزاب ،شنو موقفي،، ومن اسمع مطار النجف بيد مسؤول بالمليشيات،،شنو موقفي،، ومن اسمع اكو 300 الف عامل اجنبي يشتغلون بحقول النفط وولدنا كاعدين بلا عمل،،شنو موقفي،، ومن الطائرات الأجنبية تسرح وتمرح وتقصف براحتها بالعراق،،شنو موقفي،، ومن اسمع الحكومة الفاسدة مقترضة ديون من العالم ب 120 مليار دولار و لازم يسددوها مع الفوائد وما نعرف ليش مقترضين و ميزانيتنا 120 مليار اكثر من ميزانية الاردن ومصر و لبنان وسورية مجتمعة.،،شنو موقفي،،، ومن امريكا وإيران يتعاركون و مئة مليشيا بالعراق تكول راح نحرك العراق علمود ايران،،شنو موقفي،، ومن 16 سنة صارلكم ،لابنيتو مدارس ولامشاريع سكن ولا شوارع ولا مستشفيات،ونفوس العراق اتضاعفت مرتين شنو موقفي،، من عطلتوا عمدا 4 آلاف مصنع و ضربتوا الزراعة و جرفتوا البساتين وخليتوا العراق يستورد حتى الايس كريم و الطماطة و قناني الماء من الكويت ،شنو موقفي،، من وجوه السياسين الفاشلين مالتكم ماتتغير لو نائب لو وزير لو مستشار لو سفير،لو درجة خاصة وتداورون بالفاشلين و الحرامية من موقع لموقع شنو موقفي،، ومن تحركون الجو اذا شيعي بحريني انجرح وهم افقرهم عايش احسن منا بالف مرة و أولادنا اتكتلوهم بالمئات بس لانه يطالبون بعيشة بسيطة شنو موقفي،، من اشوف العراقي كاعد بالحواسم لو بيت من تنك و طين و انتوا استوليتوا على القصور والأراضي الزينة و كلتوا هاي حقنا و ما نرجعها للدولة ،،شنو موقفي،، من ملايين العراقيين بلا راتب وانتو تنطون نفط للأردن بلاش،ورواتب تقاعد للمصريين،شنو موقفي ومن اسمع بالفضائيين والياخذون رواتب من بعثيين وأزلام النظام السابق ومن جماعة رفحا و هم مايندلون العراق و لا شايفين العراق صار 30 سنة ،،شنو موقفي،، من واحد من الشارع تنطوه رتبة لواء،وأصحاب الشهادات تريدون تسووهم نواب عريف شنو موقفي،، من تعينون واحد محافظ على مدينة، يكتب على عرائض المواطنين يراجع غدا ً ،،،لانه شهادته دكتوراه مزوره..،شنو موقفي من الشعب محترك وملتهب،وانتوا ليهسة ملتهين تتعاركون على المناصب و كل واحد يكول هذا المنصب من أستحقاقي،،شنو موقفي،، من تستقبلون برزاني أستقبال رؤساء الدول في بغداد و تفرشولة البساط الاحمروهو مجرد انفصالي متحالف مع اسرائيل وحاقد على العراق،،شنو موقفي،،، من الشعب صار سنين يسبكم و يلعنكم و يلعن الساعة اللي جيتوا بيها وانتوا ولا اي احساس ولا شعور بالخجل،،شنو موقفي،، ومن ومن ومن ومن،،منا للصبح ومايخلصن..و كل هذا تكولون ليش الشعب يتظاهر و اكيد اكو مؤامرة..لا و الله انتو المؤامرة بذاتها واللي ابتلينا بيها و لازم نتخلص منكم الى الابد.
