(سالفه بيه رباط ) سالفة اليوم اسمها #چلب الحايچ

يگولون يوم من الايام هجم ذئب على قرية وهاي القرية اغلبهم غنامة عدهم غنم ، فهرعت الچلاب القرية وره الذيب و هو يركض، تكرمون والچلاب تركض وراه،
بعد ما تعبت الچلاب رجعت للقرية إلا چلب واحد ضل يطارد الذئب وهناك تعب الذيب …
فوگف وگال للچلب ، انت چلب صاحب الغنم ؟
گاله : لا …
الذيب گاله أنت چلب شيخ القرية ؟
گاله : لا .. گاله : انت چلب ابن الشيخ ؟
كاله: لا ..
الذيب گاله أنت لعد چلبمن ؟ *خبلتني* !
گاله أني چلب الحايچ ..
گاله الحايچ عده غنم ؟
گاله لا، حتی صخله ماعنده..
گاله الذيب: زين! الغنامة من يذبحون هم يطونك عظم، إلحيمه ؟
گاله لا،
ماينطون بس لچلابهم … فگاله الذيب :- ولك چلب ابن الچلب اليوم أسويك ثريد وعبرة لكل چلاب الديرة صارلك ساعات تركض وراي ومفحطني، والحايج حتى صخلة ماعنده وكلشي مامحصل منهم ؟؟؟؟
*رباط السالفة ،،،* 👇🏻
-أكو جماعة يدافعون عن بعض *الشخصيات دفاع شرس وممیت وعجیب و غریب*
👈 *و هم كاتلهم الجوع و الحرمان وطایحین حظ* 👉
وحتى صخلة ماعدهم؛
⭕وكلما واحد ينزل منشورعن هذي الشخصيات و ينتقد إهمالها أو تقصيرها أو سكوتها،. … تشوف چلب الحایچ یثور بالدفاع عنه و يطلعه بس هو وبس.. اشبيكم ؟؟؟