غربه بيك اونبقه غربه – شوگ حسره اوهم حنين
اشگد عزيز اوانت كلشي – انت قبله وانت دين
هم اجيتك .. ما لگيتك – گلبي عندك ظل رهين
عيني ليك اودوم تربي – ابإذني صوتك چن رنين
روحي چنهه اطوير طاير- ايحومي تايه مـِنْ سـِـنين
ادموعي وآنه اشگد بچينه – ابگلبي حـُبك چن ونين
هذا عمري كلـَّـه ينزف – لكن انت اشگد ضنين
ليل طوَّل صبحه ضايع – وآنه اعدَّن بالسنين
روحي طاحت ضيعتهه – إنت وينك .. گلي وين؟
عمري عمرك ما يـِـضـَوَّن – ياگـمـر ليـلي ســـــجـيـن
البـِعـِـد دولبـنـه كافـي – اشبعنه يحبيب سحين
الحزن .. محزونه روحي – *(مو حزن لكن حزين)-
غربه بيك اونبقه غربه – غربتي ابروحي حنين
وانت رايح .. گلي وين؟
يا وطن .. گلي وين؟
——————————
(مو حزن لكن حزين)-العجز يعود الى شاعر العراق مظفر النواب
——————————
3 / كانون الثاني / 2022
ســــــــــــــــتوكهولم
